«Tesla» ва «SpaceX» компаниялари асосчиси Илон Маск COVID-19га тўртта экспресс-тест топширди. Буни қарангки, уларнинг иккитаси мусбат ва иккитаси манфий чиққан. Бу ҳақда унинг ўзи Twitter-аккаунтида ёзиб қолдирган.

«Бу қандайдир телбанамо уйдирма», — дея ҳодисани изоҳлаган тадбиркор. Маскнинг таъкидлашича, тўртала таҳлилни ҳам бир кунда топширган. Тестлар битта ишлаб чиқарувчига қарашли, текширувларнинг ҳаммасини битта ҳамшира ўтказган.

Изоҳларда бизнесмен у билан юз берган воқеа бошқаларда ҳам кузатилиши мумкинлигини таъкидлади. Касал ёки соғлигини текшириш учун у бир қанча лабораторияларда коронавирусга ПЗР-таҳлилини топширишга қарор қилди. Унинг сўзларига кўра, натижалар бир кундан сўнг тайёр бўлади.

Маск оддий шамоллаш аломатлари пайдо бўлгани, шунга қарамай, текширишга қарор қилганини тан олди.

Айрим фойдаланувчилар тадбиркорни масъулиятсизликда айблаган. «Илтимос, соғлиқни сақлаш тизими жиддий инқирозга учраган бир пайтда одамлар кўнглига ғул-ғула солишни бас қилинг. Аслида кўпроқ машина сотишни кўзламоқда», — дейди улардан бири. Яна бир фойдаланувчи эса экспресс-тестлар чиндан ҳам кўпинча хатога йўл қўяётгани, Маскка кейинроқ COVID-19га антитанача бор-йўқлигини текшириб кўриш учун қон таҳлилини топширишни маслаҳат беришган.