Коронавируснинг иккинчи тўлқинидан сақланиш усули маълум қилинди
АҚШнинг етакчи инфекционистларидан бири, Аллергик ва юқумли касалликлар миллий институти директори Энтони Фаучининг айтишича, коронавируснинг иккинчи тўлқинидан сақланиш йўллари бор. У бу ҳақда «The Washington Post»га берган интервьюсида маълум қилган.
Унинг фикрига кўра, кузда инфекциянинг қайта тарқалишини муқаррар деб бўлмайди. Агар муайян эҳтиёт чораларига амал қилинса, бундай ҳолатнинг олдини олиш мумкин. Одамлар тўпланадиган жойга бормаслик ва ниқоб тақиш, шулар жумласидан.
Фаучининг сўзларига кўра, ҳатто, баъзи штатларда касалланишлар сони кўпайган бўлса ҳам, АҚШда инфекциянинг иккинчи тўлқини бошланди, дейишга ҳали эрта. Шу муносабат билан инфекционист ҳимоя чораларига риоя қилмайдиган кимсаларни кескин танқид қилди. У америкаликларни барча хавф-хатарларни ҳисобга олишга ҳамда барча талабларга амал қилишга чақирди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter