Индонезия президенти уч ой ичида вакцинани тайёр қилишни талаб қилди
Индонезия президенти Жоко Видодо.
Индонезия президенти Жоко Видодо илмий муассасалар вакиллари билан ўтган ёпиқ учрашувда коронавирусга қарши вакцина устидаги ишларни уч ой ичида тугатишни талаб қилди. Бу ҳақда The Jakarta Post газетаси хабар берди.
Препарат устида ишлаётган Пажаджаран университети тиббиёт мактаби профессори Куснанди Русмил «биз Видододан вакцинани уч ой ичида тайёрлаш бўйича кўрсатма олдик» деган. Аммо бу соҳадаги энг илғор тадқиқотлар ҳам клиник синовларни келгуси йилнинг январ ойидан вақтли якунлашга имкон бермайди.
Русмил қайд этишича, мамлакатда энг истиқболли лойиҳа маҳаллий Bio Farma фармацевтика компанияси ва Хитойнинг Sinovac Biotech компаниясининг қўшма лойиҳаси ҳисобланади. Улар вакцина синовларини август ойида бошлаши кутилмоқда.
Маълумот учун, Индонезияда коронавирусга чалинишнинг 91 751 ҳолати тасдиқланган. Пандемия даври ушбу вирус оқибатларидан 4459 киши вафот этган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter