Гўшт комбинатининг COVID-19 билан касалланган ходимлари сони 1,5 минг нафардан ошди — Германия
Германиянинг Шимолий Рейн-Вестфалия федерал ерида жойлашган, «Tönnies» концернига қарашли гўшт комбинатида ишловчи 1,5 минг нафардан ортиқ ишчида коронавирус аниқланди. Бу ҳақда маҳаллий «Radio Gütersloh» радиостанцияси хабар берган.
Хабарга кўра, комбинат ишчилари топширган коронавирус тестларининг 1553 таси мусбат чиққан. Маҳаллий ва федерал ер ҳукумати вакиллари Гютерсло округида ўзини ажратиш режими жорий этилиши мумкинлигини айтишмоқда.
Комбинатда коронавирус инфекцияси бир неча кун аввал тарқалган бўлиб, корхона ҳудудида ишловчи 7 минг нафар ишчи карантинга олинганди. Эҳтиёт чора сифатида Гютерслодаги барча мактаб ва боғчалар ёпилган. Корхона ҳозир ишламаяпти.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter