Европа чемпионатининг С гуруҳида сўнгги тур ўйинлари бўлиб ўтди. Унда Нидерландия осон ғалабага эришган бўлса, Украина қийин вазиятга тушиб қолди.

Гуруҳ пешқадами Нидерландия сўнгги тур ўйинида Шимолий Македония дарвозасига жавобсиз 3та тўп киритди. Биринчи бўлимда Депай ҳисобни очган бўлса, иккинчи таймда Вейналдум дублга эришди. 

2-ўрин учун кечган баҳсда эса Австрия қийин учрашувда Украинани таслим этди.

Украина — Австрия 0:1

Гол: Баумгартнер (21).

Украина – Бущан, Матвиенко, Миколенко (Беседин, 85), Караваев, Забарний, Зинченко, Шапаренко (Марлос, 68), Малиновский (Циганков, 46), Сидорчук, Ярмоленко, Яремчук. 

Австрия – Бахманн, Ҳинтереггер, Драгович, Алаба, Лайнер, Забитцер, Шлагер, Лаймер (Ильзанкер, 72), Баумгартнер (Шопф, 33), Гриллич, Арнаутович (Калайжич, 90).

Шимолий Македония — Нидерландия 0:3

Голлар: Депай (24), Вейналдум (51, 58).

Шимолий Македония – Димитриевски, Велкоски, Муслиу, Ристовски, Алиоски, Элмаз, Барди (Стояновски, 78), Трайковски (Ҳасани, 68), Адеми (Николов, 79), Тричковски (Чурлинов, 56), Пандев (Костадинов, 69). 

Нидерландия – Стекеленбург, Думфрис (Бергейс, 46), Блинд, де Лигт, ван Анхолт, Вейналдум, Гравенберх, де Йонг (Гакпо, 79), де Врей (Тимбер, 46), Депай (Вегорст, 66), Мален (Промес, 66).

Ушбу баҳслардан кейин Австрия иккинчи ўрин эгаси сифатида 1/8 финалда Италия билан баҳс олиб бориши аниқ бўлди. Украина эса 3-ўринда қолди ва энди Шевченко шогирдлари қолган гуруҳлардаги 3-ўринларнинг натижасини кутишга мажбур. 

Эслатиб ўтамиз, Евро-2020 гуруҳ баҳсларида биринчи ва иккинчи ўринни эгаллаган жамоалар ҳамда олти гуруҳда тўртта энг яхши кўрсаткичга эга учинчи ўрин эгалари плей-оффга чиқадилар.