«2019-2022 йилларда давлат ветеринария хизматлари моддий-техника базасини мустаҳкамлаш бўйича чора-тадбирлар дастурини тасдиқлаш тўғрисида»ги Ҳукумат қарори қабул қилинди. Бу ҳақда Адлия вазирлигининг «Ҳуқуқий ахборот» канали хабар берди.

Қарор билан, 2019-2022 йилларда давлат ветеринария хизматлари моддий-техника базасини мустаҳкамлаш бўйича чора-тадбирлар дастури тасдиқланди.

Дастурда:

• ҳайвонлар касалликлари ташхиси ва озиқ-овқат маҳсулотлари хавфсизлиги давлат марказларининг бино ва иншоотларини реконструкция қилиш;
• ҳайвонлар касалликлари ташхиси ва озиқ-овқат маҳсулотлари хавфсизлиги давлат марказларини замонавий асбоб-ускуналар билан жиҳозлаш;
• ветеринария мутахассисларини тайёрлаш ва уларнинг малакасини ошириш билан боғлиқ тадбирлар назарда тутилган.

Дастурда белгилаб берилган тадбирларни молиялаштириш ветеринария хизматини ривожлантириш жамғармаси маблағлари ва қонунчиликда тақиқланмаган бошқа манбалар ҳисобига амалга оширилади.