Тошкентдан Киевга авиапарвозлар тикланмоқда, нархлар маълум
Шу йилнинг 26 сентябрдан бошлаб, «Uzbekistan Airways» АЖ Тошкент – Киев – Тошкент йўналиши бўйича авиақатновларни тикламоқда. Бу ҳақда компания матбуот хизмати хабар берди.
Режага мувофиқ қатнов ҳафтада бир марта – якшанба кунлари амалга оширилади.
«Uzbekistan Airways» 2015 йил май ойида Тошкент - Киев - Тошкент йўналиши бўйича парвозларни тўхтатганди.
Тошкент – Киев йўналишида авиачипта 2 234 655 сўмдан (багажсиз) ва 2 575 535 сўмдан (багажни ҳисобга олган ҳолда), Тошкент – Киев – Тошкент йўналишидаги авиачипталар эса 4 205 223 сўмдан (багажсиз) ва 4 836 482 сўмдан (багажни ҳисобга олган ҳолда) бошланади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter