«Жамоат транспорти 30 фоиз зарарига ишламоқда» — Транспорт бошқармаси бошлиғи
Тошкент шаҳар транспорт бошқармаси мутасаддилари пойтахт жамоат транспортининг иқтисодий ҳолати ҳақида ҳам маълумот бериб ўтишди.
Бошқарма бошлиғи Анвар Жўраевга кўра, тизим ҳозирги кунда 30 фоиз зарарига ишлашга мажбур бўлмоқда. Харажатларнинг маълум қисми давлат дотацияси ҳисобига қопланмоқда.
«Шаҳарда йўлкира нархи сўнгги бор 2019 йил 1200 сўмдан 1400 сўмга кўтарилган (16 фоизга ошди). Шу вақт ичида эса ёқилғи ва бошқа эҳтиёт қисмлар нахи эса бир неча баробар ошди. Зарар кўриш асосан автобус ва метрополитенга тегишли. Йўналишли таксилар эса йўлкира ҳақини мустақил белгилайди. Уларда зарар йўқ»,— дея изоҳ берди бошқарма бошлиғи.
Аввалроқ, Тошкентда жамоат транспорти нархи қимматлашиши, автобус ҳамда метро ишчиларининг қанча маош олиши хусусида ҳам маълумот берилганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter