«ScienceAlert» илмий портали, олимларнинг тадқиқотлари таҳлили асосида, дунёдаги энг ёқимсиз ҳидлар «бешлиги»ни тузди.

Биринчи ўрин — водород сульфид. Астрономларнинг аниқлашларича, нафақат палағда тухум, балки Уран сайёраси ҳам шундай бадбўй хусусиятга эга.

Иккинчи ўрин — дуриан тропик меваси. Мутахассислар бу мева таркибида 44 хил фаол ҳид таратувчи бирикма мавжудлигини аниқлашган, шунинг учун ҳам бу мева чириган тухумдан тортиб карамелнинг хушбўй ҳидигача ўзида жамлаган.

Учинчи ўрин — «Арнольд раффлезияси» номли паразит-гул. Бир пайтнинг ўзида чириш ва балиқ ҳидини ўзидан чиқарувчи бу гул Индонезиянинг Суматра ва Калимантан оролларида ўсади. Ҳиди эса ҳашаротларни жалб қилади.

Тўртинчи ўрин — «Вьё Булонь» деб номланувчи француз юмшоқ пишлоғи. Бу пишлоқ Франциянинг Булонь-сюр-Мер шаҳрида пастеризацияланмаган, яъни иссиқ ҳароратда ишлов берилмаган сигир сутидан тайёрланади. Унинг бадбўйлиги «электрон бурун» ёрдамида аниқланди.

Бешинчи ўрин — кичик чумолихўр. Олимларнинг фикрича, америкаликлар жуда чўчийдиган скунснинг ҳиди чумолихўрникига солиштирилганда «француз атири» бўлиб қолади. Сассиқ ҳид митти чумолихўрга йиртқичлар орасида жон сақлашда ёрдам беради.