Президент Шавкат Мирзиёев раислигида маҳаллаларни обод қилиш ва «Яшил макон» умуммиллий лойиҳаси доирасида амалга оширилган ишлар ҳамда келгусидаги устувор вазифалар юзасидан видеоселектор йиғилиши бошланди.

Таъкидланишича, 2022 йилги дастурлар доирасида 4 100 та маҳаллани обод қилиш, боғча, мактаб, соғлиқни сақлаш, сув, электр, канализация билан боғлиқ муаммоларини ҳал қилишга бюджетдан қарийб 29 триллион сўм маблағ ажратилган. Бунинг натижасида:

- 434 та маҳаллада ички йўллар таъмирланган;

- 672 та маҳаллага ичимлик суви тармоғи тортилгани ҳисобига, 1,5 миллион аҳоли илк бора тоза ичимлик суви билан таъминланган;

- 2 мингдан ортиқ маҳаллага хизмат қиладиган 34 та янги мактаб ишга туширилган, 338 таси реконструкция қилиниб, 360 таси таъмирланган. Буларнинг ҳисобига 78 мингта янги ўқувчи ўринлари яратилган;

- жойларда 580 та трансформатор, 20 минг километр тармоқлар янгиланиб, 413 та маҳалладаги 1,5 миллион нафар аҳолининг электр таъминоти яхшиланган.