Байрам ва муҳим саналар

• Жаҳон паркинсон касаллигига қарши кураш куни.
• Халқаро фашист концлагерлари асирлари озод этилган кун.
• Миллий қаҳрамонлар куни (Коста-Рика).
• Ибодат куни (Либерия).
• Озодлик куни (Уганда).

Воқеа-ҳодисалар

• 217 йил — Макрин Рим императори бўлди.
• 491 йил — Флавий Зеноннинг ўлимидан сўнг Анастасий I Византия тахтига ўтирди.
• 1111 йил — Рим папаси Пасхалий II Германия қироли Генрих V томонидан ўғирланди.
• 1241 йил — Венгрия қироли Бела IV Ботухон томонидан тор-мор этилди.
• 1512 йил — Равенна бўсағасидаги жанг. Франция ва Муқаддас лига армиялари ўртасидаги жанг французларнинг ғалабаси билан тугади.
• 1803 йил — Франция ташқи ишлар вазири Шарл Талейран Луизианани АҚШга сотиш таклифини киритди. Кейинчалик АҚШга қарашли бу ерларда 15 та штат (тўлиқ ва қисман) тузилган.
• 1814 йил — Фонтенблодаги шартнома билан Олтинчи коалиция уруши ниҳоясига етади. Наполеон Бонапарт Элба оролига сургун қилинди.
• 1868 йил — Японияда сёгунатнинг бекор қилиниши.
• 1899 йил — Испания Пуэрто-Рико оролини АҚШга топширди.
• 1909 йил — бир йилдан сўнг Тел-Авив деб атала бошланган шаҳарга асос солинди.
• 1919 йил — Халқаро меҳнат ташкилоти тузилди.
• 1945 йил — Бухенвалд концлагери асирлари исён кўтариб озодликка чиқишди.
• 2002 йил — Венесуэлада давлат тўнтариши қилишга уриниш юз берди.
• 2011 йил — Минск (Беларус) метросининг «Октябрьская» станциясида портлаш юз берди. Террорчилар хуружидан 15 киши ҳалок бўлди, 203 киши жароҳатланди.

Таваллуд кунлари

• 146 йил — Луций Септимий Север, Рим императори.
• 1357 йил — Жуан I Буюк, Португалия қироли, авислар сулоласи асосчиси.
• 1492 йил — Маргарита Наваррская, француз маликаси, қирол Франциск I нинг опаси, Франциянинг биринчи аёл ёзувчиларидан бири.
• 1755 йил — Жеймс Паркинсон, инглиз шифокори. У 1817 йили беморда қўлларнинг титраши, мушаклар қотиши, ҳаракатларнинг сустлашиб бориши ва қадам ташлашнинг секинлашуви кузатиладиган асаб касаллигига аниқ ташхис қўйди ва шундан бери бу касаллик унинг номи билан — паркинсон касаллиги деб атала бошлаган.
• 1907 йил — Фрэнк Уиттл, инглиз муҳандиси, илк реактив двигателлардан бирини лойиҳалаган.
• 1908 йил — Масару Ибука, «Sony» компанияси асосчиларидан бири.
• 1948 йил — Марчелло Липпи, италиялик футбол мураббийи.
• 1953 йил — Эндрю Уайлс, инглиз математиги, Ферманинг буюк теоремасини исботлаб берган.