Ёшлар томонидан саноат ва тадбиркорлик зоналарида амалга ошириладиган лойиҳаларни молиялаш учун кредитлар ажратиш шартлари маълум қилинди. Унга кўра, Норматив ҳуқуқий асослар қуйидагилардан иборат:

1.  Ўзбекистон Республикаси Президентининг 21.04.2021 йилдаги “Ёшлар саноат ва тадбиркорлик зоналари фаолиятини ташкил этиш ҳамда ёшларнинг тадбиркорликка оид ташаббусларини қўллаб-қувватлаш чора-тадбирлари тўғрисида”ги ПҚ-5088 сонли қарори;

2.  Ўзбекистон Республикаси Вазирлар Маҳкамасининг 10.05.2021 йилдаги “Ёшлар саноат ва тадбиркорлик зонаси ҳамда ёш тадбиркорларни қўллаб-қувватлаш жамғармаси тўғрисида низомларни тасдиқлаш тўғрисида”ги 294-сонли қарори.

Кредит мақсади: Ёшлар саноат ва тадбиркорлик зоналарида амалга ошириладиган лойиҳаларни молиялаштириш

Кредит линияси миқдори: республика бўйича 100 млн. АҚШ долл.

Кредит олувчи: юридик шахс сифатида ташкил этилган ёш тадбиркор;

Кредитлашнинг устувор йўналишлари: ёшлар саноат ва тадбиркорлик зоналарида фаолият юритаётган ёш тадбиркорларнинг инвестицион лойиҳалари;

Кредит миқдори: бир тадбиркорлик субъекти учун кредитлаш миқдори
100 минг АҚШ доллари эквивалентигача;

Кредит муддати: 7 йил, шу жумладан имтиёзли давр 3 йилгача;

Фоиз ставкаси:
Миллий валютада - 14 фоиз;
Хорижий валютада – 3 фоиз.

Кредит таъминоти:
1. Тадбиркорлик фаолиятини қўллаб-қувватлаш давлат жамғармасининг кафиллиги (кредит суммасининг 50 фоизигача миқдорида, бироқ
500 млн.  сўмдан ошмаган миқдорда);

2. Устав фондида давлат улуши 50 фоиз ва ундан юқори бўлган суғурта ташкилотларининг суғурта полиси (кредитларнинг 50 фоизигача миқдорида, бироқ 500 млн.  сўмдан ошмаган миқдорда).

Молиялаштирувчи банклар: Ўзмиллийбанк, Асакабанк, Халқ банки, Ипотека-банк, Ўзсаноатқурилишбанк, Агробанк, Туронбанк, Алоқабанк, Микрокредитбанк, Қишлоққурилишбанк.

Шунингдек ёшларнинг инновацион, стартап ва бизнес лойиҳаларини молиялаш учун кредитлар ажратиш шартлари ҳам маълум қилинди. Ўзбекистон Республикаси Президентининг 2021 йил 13 июлдаги “Ёшларни ҳар томонлама қўллаб-қувватлаш ва уларнинг ижтимоий фаоллигини янада оширишга оид қўшимча чора-тадбирлар тўғрисида”ги ПФ-6260-сонли Фармонига асосан қуйидагилар амалга оширилади.

Кредит мақсади: Ёшларнинг инновацион, стартап ва бизнес лойиҳаларини молиялаштириш

Кредит линияси миқдори: республика бўйича 100 млн. АҚШ долл.

Кредит олувчи: юридик шахс сифатида ташкил этилган ёш тадбиркор;

Кредитлашнинг устувор йўналишлари: ёшларнинг стартап ва бизнес лойиҳалари, янги ғоялар асосида ишлаб чиқилган инновацион лойиҳалар, замонавий технологияларга асосланган лойиҳалари;

Кредит миқдори: бир тадбиркорлик субъекти учун кредитлаш миқдори базавий ҳисоблаш миқдорининг 1000 баробари (яъни, 245 млн.сўм) дан 100 минг АҚШ доллари эквивалентигача;

Кредит муддати: 7 йил, шу жумладан имтиёзли давр 3 йилгача;

Фоиз ставкаси: Миллий валютада - 14 фоиз.

Кредит таъминоти: Мол-мулк, кредит ҳисобига сотиб олинаётган мол-мулклар, Тадбиркорлик фаолиятини қўллаб қувватлаш давлат жамғармасининг кафиллиги, суғурта полиси, учинчи шахс кафиллиги ва қонун ҳужжатларида назарда тутилган бошқа таъминот турлари.

Молиялаштирувчи банк: Ўзмиллийбанк.