Бугун, 2023 йил 16 октябрь куни Бутунжаҳон туризм ташкилотига аъзо давлатлар иттифоқининг хусусий компаниялар, дестинациялар ва фуқаролик жамияти вакилларидан иборат Аффилланган аъзолар қўмитаси умумий мақсадларга эришиш мақсадида давлат ва хусусий сектор ўртасидаги ҳамкорликни мустаҳкамлаш учун йиғилди.

Маълумот учун, UNWTO Бош Ассамблеяси доирасида ассоциациянинг энг муҳим низом йиғилиши –Аффилланган аъзоларнинг ялпи мажлиси 44 марта бўлиб ўтди.

Йиғилишнинг асосий мавзуси «Давлат-хусусий ҳамкорлик орқали туризмни ривожлантириш» бўлиб, унда 100дан ортиқ Аффилланган аъзолар сўнгги йиғилишдан кейин эришилган асосий натижаларни муҳокама қилишди. Шунингдек, ривожланиш стратегияси соҳасидаги ишланмалар ва ютуқларни кўриб чиқишди, географик жиҳатдан мувозанатли аъзолик, шунингдек, келажакдаги лойиҳалар ва ҳамкорлик бўйича маълумот ва таклифлар алмашилди.

Қолаверса, Аффилланган аъзолар қўмитаси UNWTO'нинг 2024–2025 йилларга мўлжалланган иш режасини тақдим этди. Ассоциациянинг сараланган аъзоларига асосий саҳнада тақдимот ўтказиш ва бошқарма кўмагида яқин келажакда амалга ошириладиган лойиҳа ва ташаббуслар ҳақида тўлиқроқ гапириб бериш имконияти берилди.

Йиғилиш давомида, шунингдек, 30 йилдан ортиқ вақт давомида ташкилот миссиясини муваффақиятли амалга оширишга қўшган бебаҳо ҳиссаси учун уюшманинг узоқ йиллик аъзолари тақдирланди. Мукофотланганлар орасида Аффилланган аъзолар қўмитасининг 12 нафар аъзоси «Бронза» тоифасида (30 йилдан ортиқ аъзолик), 14 нафари «Кумуш» тоифасида (40 йилдан ортиқ аъзолик) ва 1 нафари «Олтин» тоифасида (50 йиллик аъзолик) эътироф этилди.

Йиғилиш иштирокчиларига яқин кунларда ишга тушириладиган янги модернизация қилинган платформа ҳам тақдим этилди. Платформа ўз хизматлари билан янада интерактив ва динамик ўзаро алоқани таъминлаш ҳамда қўмита аъзолари ўртасидаги алоқа ва ҳамкорликни яхшилаш учун мўлжалланган.

Таъкидлаш жоизки, пленар аъзоларга UNWTO билан янада ҳамкорлик қилиш имкониятларини баҳам кўриш, жумладан, иккита асосий устувор мавзу: таълим ва туризмни ҳимоя қилиш учун ажойиб платформа бўлиб хизмат қилади. Ушбу масалаларга алоҳида эътибор қаратилиши ассоциация аъзоларини Ташкилот учун долзарб бўлган кун тартибига киритиш учун муҳим қадамга айланди.