Халқ депутатлари Тошкент шаҳар Кенгашининг қарори билан 2022 йил учун Тошкент шаҳар маҳаллий бюджети тасдиқланди.

2022 йил учун пойтахт ва унинг туманлари маҳаллий бюджетлари жами 6 трлн 44 млрд сўм, шу жумладан Тошкент шаҳар бюджети – 4,4 трлн сўм, туманлар бюджетлари – 1,6 трлн сўм миқдорида тасдиқланди.

Тошкент шаҳрининг иқтисодий кўрсаткичлари прогнози қуйидагича белгиланди:

• ялпи ҳудудий маҳсулот (ЯҲМ) – 120 млрд сўм;
• ЯҲМ ўсиш суръати – 7,5%;
• саноат маҳсулотларининг ўсиш суръати – 6,3%;
• хизмат кўрсатиш соҳаси ўсиш суръати – 30,1%.

Қуйидагилар шаҳар бюджети даромадларининг асосий манбалари ҳисобланади:

• юридик шахсларнинг мол-мулкига солинадиган солиқ – 728,8 млрд сўм;
• айланмадан олинадиган солиқ – 586,8 млрд сўм;
• юридик шахслардан олинадиган ер солиғи – 567,7 млрд сўм;
• давлат божи – 513,9 млрд сўм;
• бензин, дизель ёқилғиси ва газ реализациясидан солиқ – 374,4 млрд сўм
• жисмоний шахслардан олинадиган даромад солиғи – 373,3 млрд сўм.

Пойтахт бюджети захира жамғармаси 42,9 млрд сўмни ташкил қилади.

Ҳужжат Қонун ҳужжатлари маълумотлари миллий базасида эълон қилинган ва 30.12.2021 йилдан кучга кирди.