2022 йилнинг январ-июль ойлари якуни билан республиканинг ташқи савдо айланмаси (ТСА) 28 102,9 млн. АҚШ долларини ташкил этиб, 2021 йилга нисбатан 6 343,9 млн. АҚШ долларига ёки 29,2 фоизга кўпайди. 

Давлат статистика қўмитаси маълумотига кўра, ҳисобот даврида ТСАда экспорт ҳажми 11 272,4 млн. АҚШ долларига (38,1 фоизга кўпайди) ва импорт ҳажми 16 830,5 млн. АҚШ долларига (23,8 фоизга кўпайди) етган. Шунингдек, йил бошидан буён ташқи савдо балансининг тақчиллиги 5,56 миллиард долларни ташкил этди.Ўтган йилнинг шу даврига нисбатан 119 миллион долларга кўпайди, таққослаш учун июн ойи охирида 275 миллион долларни, май ойида эса 275 миллион долларни ташкил этди. 350 миллион доллар.

Қўмита маълумотларида акс этишича, олтин экспортидан тушган тушум жами экспорт ҳажмининг 26,4 фоизини ташкил қилиб, мазкур қиматбаҳо металл экспортидан тушган тушум миқдори тўртинчи ойда ҳам ўзгармади – 2,97 миллиард доллар. Бундан эса Ўзбекистон ушбу қимматбаҳо металлни март ойидан бери хорижга сотмаётганини хулоса қилиш мумкин. 

Эслатиб ўтамиз, аввалроқ Давстатқўм жорий йил январ-март ойларида олтин Ўзбекистон экспортининг 51,1 фоизи (2,97 млрд доллар)ни ташкил қилгани ҳақида хабар берган эди.

Март ойининг ўзида эса олтин экспорти 609 миллион долларни ёки ойлик экспорт ҳажмининг 36 фоизини ташкил этган эди.