Хазорасплик фуқарога 23 миллион сўмлик қарзни «ёпиштиришди»
Хоразм вилоятининг Хазорасп туманида яшовчи фуқаро К.Султанованинг хонадонига туман электр таъминоти корхонаси собиқ ходимлари И.Джуманиязов ва У.Сапаевлар томонидан асоссиз равишда далолатномага асосан ҳисобланган 23 241 880 сўм қарздорлик ёзилган. Фуқаро бу бўйича Ўзбекистон истеъмолчилар ҳуқуқларини ҳимоя қилиш жамиятлари федерацияси 1091 ишонч телефонига мурожаат қилган, деб хабар бермоқда федерация матбуот хизмати.
Мазкур мурожаат туман жамияти мутахассислари ва туман электр таъминоти корхонаси иштирокида ўрганиб чиқилиб, тўплаган маълумотлар асосида судга даъво аризаси киритилди. Фуқаролик ишлари бўйича Хозарасп тумани суди даъво ишини атрофлича ўрганиб чиқиб, истеъмолчи К.Султанованинг хонадонига нисбатан далолатномаган асосан 23 241 880 сўм ғайриқонуний деб топилди ва жавобгар Хазорасп туман электр таъминоти корхонасидан давлат фойдасига 405 460 сўм давлат божи ўндирилиши киритилди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter