Тутунга айланган 424 миллиард сўм: ноқонуний тамаки савдоси Ўзбекистон иқтисодиётига улкан зарар етказмоқда
Ўзбекистонда ноқонуний тамаки маҳсулоти айланмаси – бу жиноятгина эмас, балки бюджетдаги улкан бўшлиқ ҳамдир.
2024 йилнинг 10 ойи давомида мамлакат тўланмаган солиқлар туфайли 424,1 млрд сўм йўқотди (бозорнинг 9,8 фоизи). Бу соғлиқни сақлаш, таълим, инфратузилмага йўналтирилиши мумкин бўлган маблағдир.
Энг мураккаб вазият Фарғона водийсида юзага келган (18,1% ноқонуний маҳсулот), бу ҳудудда Қўқон (29,9%) ва Марғилон (25,2%) ноқонуний бозор ҳажми бўйича етакчилик қилмоқда.
Ноқонуний айланманинг бундай юқори даражада бўлиши адолатсиз рақобатни юзага келтиради ва давлатни салмоқли даромаддан маҳрум этади.
Контрабандага қарши курашишни кучайтириш, солиқ қонунчилигини такомиллаштириш ва чекишнинг зарари ҳамда ноқонуний маҳсулот сотиб олишнинг оқибатлари ҳақида фаол ахборот кампаниясини ўтказиш зарур.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter