Қидирувдаги болалар Тошкент вилоятидаги даладан топилди
Фуқаролик ишлари бўйича Қўқон туманлараро судининг 06.06.2022 йилдаги карздор С.Ў.дан ундирувчи Т.М. қарамоғига 15.04.2009 йилда туғилган Т.А. ҳамда 14.04.2011 йилда туғилган Т.М.ларни олиб бериш ҳақидаги ижро ҳужжати юзасидан бюронинг Учкўприк тумани бўлими томонидан ижро ҳаракатлари олиб борилган ва қарздорга ихтиёрий муддат берилган.
Лекин, қарздор С.Ў. суд қарорини ижросини таъминламасдан, икки нафар фарзандини яшириб қўйган.
Давлат ижрочиси томонидан 2 нафар болани қидириб топиш учун 02.07.2022 йил куни қидирув эълон қилинган.
Бошқарманинг қидирув шўъбаси томонидан 07.07.2022 йил куни олиб борилган тезкор қидирув натижасида, қарздор фарзандлари билан Тошкент вилояти, Ўрта Чирчиқ тумани, Авангард қишлоғидаги далаларда капада яшаб, деҳқончилик қилаётганлиги аниқланган.
ИИБ ходимлари билан ҳамкорликда фарзандлар Учкўприк туманига олиб келинган ва ундирувчининг қарамоғига олиб берилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter