Ёниб кетган машина ҳақида маълумот берилди (фото)
Ижтимоий тармоқларда Тошкент шаҳри Чилонзор туманидаги «Қозирабод» чорраҳасида автомобиль ёниб кетгани тўғрисида хабарлар тарқалганди.
Ўзбекистон Республикаси Ички Ишлар Вазирлигининг Йўл Ҳаракати Хавфсизлиги Бош Бошқармаси тарқалган видео лавҳа юзасидан маълумот берди.
Жорий йилнинг 15 август куни соат 16:40 ларда Тошкент шаҳри Чилонзор тумани Чилонзор-КХАЙ чорраҳаси яқинида фуқаро И.К.га тегишли «Мазда» русумли транспорт воситасида ёнғин юзага келган.
Таъкидланишича, ўт ўчирувчилар ёнғинни бартараф этишган. Ҳодиса натижасида тан жароҳати олганлар йўқ.
Тошкент шаҳри Чилонзор тумани ФВБ ҳамда ЙҲХБ томонидан суриштирув ишлари олиб борилиб, ёнғин сабабларига аниқлик киритилмоқда.
Ҳайдовчилардан транспорт воситасининг техник созлигига эътиборли бўлишлари сўралади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter