Саида Мирзиёева поезд уриб юбориб, жуда оғир аҳволда ётган қизни кўргани борди
![Саида Мирзиёева поезд уриб юбориб, жуда оғир аҳволда ётган қизни кўргани борди](https://static.xabaruz.com/crop/2/3/720_460_95_2326235312.jpg)
Тошкентда ўн тўрт ёшли қиз мактабдан темир йўл кесишмаси орқали уйига қайтаётган вақтида юк поезди уриб юборган. Ҳодиса 2021 йил 5 феврал куни содир бўлган. Қайд этилишича, бу юзлаб мактаб ўқувчилари учун ҳар куни ўтадиган одатий йўл ҳисобланади.
Кеча, 8 феврал куни, Anhor.uz нашри жабрланган қиз ота-онасининг Саида Мирзиёевага йўллаган мурожаатини эълон қилди. Ота-она чуқур комада бўлган боланинг ҳаётини сақлаб қолишда ёрдам сўраган. Шу куннинг ўзида Саида Мирзиёева жароҳат олган қизнинг ота-онаси билан учрашди ва жонлантириш бўлимида боланинг ҳаёти учун кураш олиб борилаётган касалхонага ташриф буюрди, деб ёзмоқда Anhor.uz.
Шифокорлар қизни қутқариб қолиш учун барча чораларни кўрмоқда, аммо у ҳамон ўта оғир аҳволда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter