Saida Mirziyoyeva poyezd urib yuborib, juda og‘ir ahvolda yotgan qizni ko‘rgani bordi
Toshkentda o‘n to‘rt yoshli qiz maktabdan temir yo‘l kesishmasi orqali uyiga qaytayotgan vaqtida yuk poyezdi urib yuborgan. Hodisa 2021 yil 5 fevral kuni sodir bo‘lgan. Qayd etilishicha, bu yuzlab maktab o‘quvchilari uchun har kuni o‘tadigan odatiy yo‘l hisoblanadi.
Kecha, 8 fevral kuni, Anhor.uz nashri jabrlangan qiz ota-onasining Saida Mirziyoyevaga yo‘llagan murojaatini e’lon qildi. Ota-ona chuqur komada bo‘lgan bolaning hayotini saqlab qolishda yordam so‘ragan. Shu kunning o‘zida Saida Mirziyoyeva jarohat olgan qizning ota-onasi bilan uchrashdi va jonlantirish bo‘limida bolaning hayoti uchun kurash olib borilayotgan kasalxonaga tashrif buyurdi, deb yozmoqda Anhor.uz.
Shifokorlar qizni qutqarib qolish uchun barcha choralarni ko‘rmoqda, ammo u hamon o‘ta og‘ir ahvolda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter