Жиззахда тўқнашган икки «Nexia» ёниб кетди. Саккиз киши ҳалок бўлди (видео)
Жиззах вилоятининг Пахтакор тумани ҳудудидан ўтган 4Р-34 «Жиззах—Гагарин» йўлининг 49-километрида икки «Nexia» тўқнашиб, ёниб кетган. Бу ҳақда «Дарё»га вилоят ИИБ матбуот хизматига асосланиб маълум қилди.
Ҳодиса 4 апрель куни соат 12:40 атрофида юз берган. Ижтимоий тармоқлар, «Telegram»даги оммабоп каналларда воқеа жойидан видео ва фотолар пайдо бўлган.
Маълум бўлишича, Жиззах шаҳрида истиқомат қилувчи, 1990 йилда туғилган фуқаро ҳайдаб келаётган «Nexia» «Жиззах—Дўстлик» йўналиши бўйлаб ҳаракатланаётиб, қарама-қарши йўналишдан келаётган арнасойлик 26 ёшли ҳайдовчи бошқарувидаги «Nexia» билан тўқнашиб кетган.
Тўқнашувдан сўнг ёнғин келиб чиққан. Ҳодиса оқибатида ҳар иккала автомобилда бўлган барча — жами саккиз киши ҳалок бўлган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter