Энди Хоразм. Вилоятда кучли шамол томларни учирди
Хоразм вилоятига 15-25 м/с. тезлик билан тахминан соат 17:00ларда кучли шамол оқими кириб келди, деб хабар бермоқда ФВВ ахборот хизмати.
Бунинг натижасида корхона, ташкилот ва турар жойларнинг том қисмларини учириб, пастга қулаш ҳолатлари юз берди.
Ушбу нохуш ҳодисалар оқибатларини бартараф этиш мақсадида Хоразм вилояти Фавқулодда вазиятлар бошқармасидан 3 та махсус техника ва 20 нафар шахсий таркиб жалб этилиб, зарурий чора-тадбирлар амалга оширилмоқда, дейилади хабарда.
Эслатиб ўтамиз, апрел ойи охирида Бухоро вилояти кучли шамолдан жиддий зарар кўрганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter