2022 йил 27 февраль куни «Тошкент ёшларни севади» номли ёшлар фестивали доирасида Тошкент ярим марафони бўлиб ўтиши режалаштирилган.

Шу сабабли қуйидаги кўчаларда 27 февраль куни соат 07:00дан соат 11:00гача автомобиллар ҳаракати вақтинча чекланади:

• И.Каримов ва Олмазор кўчалари кесишган чорраҳадан Олмазор кўчаси бўйлаб Бешёғоч кўчасигача бўлган қисми,  
• Бешёғоч ва Фурқат кўчалари кесишган чорраҳадан Бешёғоч кўчаси бўйлаб, И.Каримов кўчасигача бўлган қисми,  
• Бешёғоч кўчасидан Афросиёб кўчаси бўйлаб, Ш.Рашидов кўчасигача бўлган қисми,
• Афросиёб кўчасидан Ш.Рашидов кўчаси бўйлаб, И.Каримов кўчасигача бўлган қисми,
• Ш.Рашидов кўчасидан И.Каримов кўчаси бўйлаб Олмазор кўчасигача бўлган қисми.

 Шунингдек, Тошкент шаҳар ҳокимияти ва Тошкент шаҳар ИИББ ташаббуси билан 27 февраль - якшанба куни соат 11:00дан Шайхонтоҳур туманида жойлашган «Анҳор локомотив» истироҳат боғида «Тошкент ёшларни севади» номли ёшлар фестивалига старт берилади.

Шу сабабли қуйидаги кўчаларда транспорт воситаларининг ҳаракати соат 10:00дан 14:00гача чекланади: 

• Ш.Рашидов – А.Қодирий кўчалари кесишган чорраҳадан А.Қодирий кўчаси бўйлаб А.Қодирий-Қорасарой кўчалари кесишган чорраҳасигача бўлган қисми,
• Лабзак – Зулфияхоним кўчалари кесишган чорраҳадан Лабзак кўчаси бўйлаб А.Навоий чорраҳасига бўлган қисми вақтинча ёпилади.