3 млн долларлик супермашина эгасига етиб бормади (фото)
2002 йилда ишлаб чиқарилган Ferrari Enzo суперкари Буюк Британияда ЙТҲга учради. Уни эгасига топшириш учун ҳайдаб кетишаётганди...
Компания асосчиси шарафига атиги 399 дона ишлаб чиқарилган Ferrari Enzo нархи — 3 млн доллар атрофида. Талаб эса тинмай ошмоқда. Суперкарни яратишда таниқли пойгачи Михаэл Шумахер қатнашган.
ЙТҲ Ла-Маншдаги Жерси оролида юз берди. Супермашинани бошқариб кетаётган автосалон ходими афтидан машинанинг «нималарга қодирлигини» синаб кўрмоқчи бўлган, бироқ нам йўл панд бериб бошқарувни йўқотган: қарама-қарши йўналишга ўтиб кетиб Honda Jazz билан тўқнашган. Суперкарга жиддий шикаст етди, таъмири учун қанча пул кетишини фақат тахмин қилиш мумкин, холос.
Фото: Carscoops.com
Ferrari Enzo машинасига 6,0 литрли 660 кучли V12 двигатели ва 6 босқичли роботлашган узатмаларни алмаштириш қутиси ўрнатилган. 100 км/соат тезлик олиши учун 3,4 сония кифоя. Максимал тезлиги — 350 км/соат.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter