Зеленский ортидан Путин ҳам Пригожин ўлими ҳақида гапирди
Россия президенти Владимир Путин Твер вилоятида самолёт ҳалокатига учраб ҳалок бўлган Евгений Пригожиннинг ўлими хусусида гапирди.
Путин Пригожинни «фаол тадбиркор ва истеъдодли инсон» дея атаган ва унинг хориждаги ҳаракатларини ҳам алоҳида таъкидлаб ўтган.
«Ушбу авиаҳалокатга келсак, биринчи навбатда, барча қурбонларнинг оила аъзоларига ҳамдардлик билдирмоқчиман, бу ҳар доим фожиа», — деди Владимир Путин.
Эслатиб ўтамиз, самолёт ҳалокатида ўн киши ҳалок бўлди, ушбу рўйхатда Евгений Пригожин ҳам бор.
24 июн куни Ростовдан Москвага юриш бошлаган Пригожиннинг ҳаракатларини Путин «хоинлик ва ортдан пичоқ уриш» дея атаганди.
Таъкидлаш жоизки, Пригожиннинг ўлими ҳақида Украина раҳбари Владимир Зеленский ҳам гапирганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter