«Захарова италияликларни ҳақорат қилди» — Мелони
Италия Бош вазири Жоржа Мелони Россия Ташқи ишлар вазирлигининг расмий вакили Мария Захаровага кескин жавоб қайтарди. Захарова жума куни Италия президентини танқид қилган эди.
Италия президенти Сержио Маттарелла ўтган ҳафтадаги чиқишида Иккинчи жаҳон урушига олиб келган тажовузкорликлар ҳақида гапириб: «Бу Европадаги учинчи рейх лойиҳаси эди. Россиянинг Украинага қарши ҳозирги тажовузи ҳам худди шундай табиатга эга», деганди.
Жума куни Захарова Италия президентининг бу сўзларга жавобан кескин муносабат билдирди.
«Бу каби тўқималарни айнан Италия президентидан эшитиш ғалати ва ёқимсиз. Италия фашизм нима эканлигини ўз тажрибасидан яхши билади», — деди Захарова.
«Матбуот котиби бутун итальян халқини ҳақорат қилди», — дейилади Мелонининг баёнотида. — «Президент Маттарелла билан тўлиқ ҳамфикрман – нафақат шахсан, балки бутун ҳукумат номидан. У доимо Украинага қарши тажовузни кескин қоралаган».
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter