Ядро уруши эҳтимоли тезлашиб кетди — Илон Маск
Ядро уруши эҳтимоли тезлашиб кетди, деб ёзди Илон Маск Twitter ижтимоий тармоғидаги саҳифасида. Америкалик тадбиркорнинг фикрича, ядровий низо хавфи сўнгги пайтларда ҳар қачонгидан кучайган.
АҚШда, шунингдек, Оқ уй миллий хавфсизлик кенгашининг стратегик алоқалар бўйича координатори Жон Кирби интервью берди. Америка разведкаси Россия ядровий зарбалар беришга тайёрланаётганининг ҳеч қандай аломатларини кўрмаяпти, деди у. Қўшма Штатлар ва унинг иттифоқчилари жуда жиддий кузатув олиб боряпти, деб ёзди ТАСС.
«Владимир Путин ядро қуролидан фойдаланиш қарорини қабул қилгани ҳақида янги разведка маълумотлари йўқ. Тўғрисини айтганда, у шундай қарорни қабул қилгани ҳақида биронта далилга эга эмасмиз. Стратегик тийиб туриш кучларимизнинг шайлик ҳолатини ўзгартириш учун ҳеч қандай асос кўрмаяпмиз», — деди Кирби ABC телеканали журналисти билан суҳбатда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter