Россия Украинадаги урушни фронт чизиғи бўйлаб музлатиш имкониятини кўриб чиқмаяпти, деди Россия ташқи ишлар вазири Сергей Лавров. Унинг сўзларига кўра, бу вариант Россия конституцияси томонидан истисно қилинган.

“Биринчидан, бундай бўлмайди, бизда халқ иродасини ифодалашга асосланган Конституциямиз бор. Иккинчидан, Россияга қўшилган тўрт ҳудуд тўлиқ эгалланмаган”, деди вазир Қатарга ташрифи якунлари бўйича ўтказилган матбуот анжуманида.

2024 йилнинг ноябрида Туркия президенти Ражаб Тоййиб Эрдўғон ўша пайтдаги фронт чизиғи бўйлаб Украинадаги можарони музлатиб қўйишни таклиф қилган эди.

Bloomberg агентлигининг ёзишича, худди шундай таклиф АҚШ томонидан ишлаб чиқилган тинчлик режасида ҳам мавжуд. Кремл бу вариантни номақбул деб ҳисоблайди. Россия президенти Владимир Путин жанговар ҳаракатларни тугатиш шартлари сифатида Украина Қуролли Кучларининг ДХР ва ЛХР ҳудудларидан, Херсон ва Запороже вилоятлари(Россия томонидан 2022 йилда аннекция қилинган)дан олиб чиқиб кетиш, шунингдек, Украинанинг НАТОга аъзо бўлишдан бош тортишини келтирди.