Украина ички ишлар вазири ва унинг биринчи ўринбосари ҳалок бўлди
Украинада вертолёт қулаб тушиши оқибатида мамлакат ички ишлар вазири ва унинг биринчи ўринбосари ҳамда вазирлик давлат котиби ҳалок бўлди.
Киев вилоятининг Бровари шаҳридаги болалар боғчаси яқинида 18 январь, чоршанба куни эрталаб вертолёт қулаб тушди, воқеа жойида ёнғин чиқди.
Украина Миллий полицияси ушбу авиаҳалокатда Ички ишлар вазири Денис Монастирский, унинг биринчи ўринбосари Евгений Энин ва Ички ишлар вазирлиги штат котиби Юрий Лубковичнинг ҳалок бўлганини тасдиқлади.
Ҳодиса оқибатида жами 18 киши, жумладан, 3 нафар бола ҳалок бўлган. Улардан 9 нафари вертолёт бортида бўлган.
Шунингдек, 26 нафар жабрланувчи шифохонага ётқизилган, улардан 12 нафари болалардир.
Вертолёт турар жой ва боғча ёнида қулаган, ҳозирда суриштирув-тергов ишлари олиб борилмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter