АҚШ президенти Дональд Трампнинг таъкидлашича, Украина президенти Владимир Зеленский Қримни қайтариш талабидан воз кечишга тайёр. Илгари Зеленский Қрим ҳеч қачон Россия ҳудуди сифатида тан олинмаслигини айтган, чунки бу Украина Конституциясига зид эканини таъкидлаган эди.

«Бу масала 12 йил давомида кўтарилмаган, энди тўсатдан муҳокамага айланди. Шунинг учун мен Зеленскийга айтдим: “Балким, сиз (АҚШнинг 44-президенти Барак) Обамага мурожаат қиларсиз? Ундан сўранг, нега у (Қримни) топширди»? - деди Доналд Трамп журналистлари билан Ню-Жерсидеги Морристаун аеропортидаги суҳбат пайтида.

ОАВ маълумотларига кўра, АҚШнинг тинчлик режаси Қримни Россия ҳудуди сифатида тан олиш ва уруш давомида Россия томонидан эгалланган ҳудудларни сақлаб қолишни ўз ичига олади. Аммо аввалроқ Владимир Зеленский Қримни Россиянинг бир қисми сифатида тан олишдан бош тортган эди.

Россия ташқи ишлар вазири Сергей Лавров «CBS News»га берган интервьюсида Қрим масаласида шундай деган эди: «Биз ўз ҳудудимиз бўйича музокаралар олиб бормаймиз».