Россия Фанлар академиясининг Хавфсизлик тадқиқотлари маркази етакчи тадқиқотчиси, сиёсатшунос Константин Блохин 2024 йилги президентлик сайловларида Доналд Трамп ғалаба қозонса нималар бўлиши мумкинлиги ҳақида тахминларини айтди.

Унга кўра, Россия ва АҚШ ўртасидаги муносабатлар бир қадар ўзгариши мумкин. Бироқ, амалдаги ҳукуматнинг собиқ Америка етакчисига қарши кураши мамлакатнинг демократик келажагини шубҳа остига қўяди.

«У учун (Трамп - таҳр.) Украина охиридан биринчи ўринда, бу шунчаки катта геосиёсий ўйинда савдолашиш воситаси. Савол шундаки, аввал президент бўлиш керак ва шундан кейингина Америка ташқи сиёсатининг траекториясини ўзгартиришга ҳаракат қилиш лозим, чунки Трамп охирги марта буни қилишга уринганида ҳаммаси нотўғри бўлди: икки марта импичментга уриниш, уни ирқчи ва путинист дея аташди», дейди Блохин.

Шу билан бирга, унинг сўзларига кўра, бугунги кунда АҚШ фуқароларининг қарийб 60 фоизи Трампни қўллаб-қувватлайди.

Трампнинг сайланиши Россияга катта ёрдам бермаслиги ҳам мумкин, чунки унинг биринчи даври расмий Москва учун катта сюрпризларга бой бўлмади.