Трамп, агар АҚШнинг iPhone смартфонлари АҚШда ишлаб чиқарилмаса, Apple компаниясини 25 фоизлик божга тортиш билан таҳдид қилди.

«Мен Apple компаниясидан Тим Кукка мамлакатда сотиладиган iPhone смартфонлари Ҳиндистонда ёки бошқа жойда эмас, Америка Қўшма Штатларида ишлаб чиқарилиши ва йиғилишини кутаётганимни анчадан бери айтиб келаман», – деб ёзади Доналд Трамп ўзининг Truth Social ижтимоий тармоғидаги саҳифасида.  

Акс ҳолда, АҚШ президентининг таъкидлашича, Apple компанияси «25 фоиздан кам бўлмаган» бож тарифига ўтказилади.

NASDAQ фонд биржасидаги Apple акциялари Трампнинг чиқишидан сўнг бир зумда 4 фоизга тушиб, ҳар бир акция учун 193,4 долларни ташкил қилди.

Маълумот учун, АҚШ ва Хитой ўртасидаги тариф уруши бошланишидан олдин, The Wall Street Journal нашрининг ёзишича, Apple Америка бозори учун ишлаб чиқаришни Ҳиндистонга кўчирганди, аммо энг даромадли Pro ва Max телефонларини ишлаб чиқариш Хитойда давом эттирилмоқда.

WSJ нашрининг ёзишича, гарчи бу жараён узоқ йилларни ўз ичига олса-да, Apple смартфонлар ишлаб чиқаришнинг бир қисмини Қўшма Штатларга кўчириш имкониятини ўрганмоқда.