«Титаник» кемасида ёзилган хат кимошди савдосида 350 минг еврога сотилди, деб хабар берди BBC.

Ушбу «откритка» биринчи тоифа йўловчиси — америкалик сармоядор ва ёзувчи Арчибалд Грейси IV томонидан жўнатилган. Ҳужжатни унинг жиян томонидан невараси сотувга қўйди.

«Бу ажойиб кема, бироқ унинг ҳақида сўнгги сўзни саёҳатим охирида айтаман», — дейилган жумладан хатда.

Хатнинг кимошдидаги бошланғич нархи 60 минг фунт стерлинг эди. Якунда беш баравар қимматроқ — 300 минг фунт стерлингга сотилди (еврода — тахминан 350 минг). Харидор — америкалик хусусий жамғарма эгаси.

Маълумот учун: «Титаник» — XX аср бошидаги энг йирик кема. Британия трансатлантик юк-йўловчи ва почта пароходи, «White Star Line» компаниясининг «Олимпик» синфига мансуб иккинчи лайнери. Кема Саутгемптон ва Ню-Йорк ўртасидаги 5 800 км йўналишда ҳафтасига (бир томонга) бир марта қатнаши режалаштирилган эди.

Биринчи рейс амалга оширилаётган пайтда, 1912 йилнинг 14 апрелидан 15 апрелига ўтар кечаси Шимолий Атлантикада айсберг билан тўқнашиб, чўкиб кетган.