Сочни икки марта ювганга — 500 евро жарима
Италиянинг Кастенасо шаҳри (Болоня яқинида жойлашган) ҳокими мижозларининг сочини икки марта ювган сартарошлардан 500 евродан жарима ундиришни буюрди. Бу ҳақда «The Guardian» ёзмоқда.
Карло Губеллини (ҳоким) сувнинг беҳуда сарфланишига қарши шу тарзда курашмоқчи. Минглаб литр сув бекорга оқиб кетяпти, деди у.
Италия сўнгги 70 йилдаги энг қаттиқ қурғоқчиликни бошдан ўтказяпти. Қандай қилиб бўлмасин, сувдан тежаб-тергаб фойдаланиш чоралари қидирилмоқда. Шаҳарлардаги дарёлар қурияпти, ҳудудлар сувни тежашга уринмоқда, Миланда, масалан, фаввораларни ўчириб қўйишди.
Айрим экспертларнинг прогнози ўта тушкун: қурғоқчилик Италия ҳудудининг 28 фоизини чўлга айлантириши мумкин.
Қолаверса, қурғоқчилик мамлакат иқтисодиётида муҳим ўринга эга қишлоқ хўжалиги, биринчи навбатда, виночилик соҳасига салбий таъсир кўрсатишидан хавотирланишмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter