Оқ уй Трампнинг ниқоб тақиши шартмаслигини изоҳлади
АҚШ президенти Дональд Трамп ниқоб тақмаслиги мумкин. Негаки, уни тинмай коронавирусга текширишади. Бу ҳақда Оқ уй аппарати раҳбари Марк Мидоус сешанба куни журналистларга маълум қилди.
«Президент Америкада вирусга энг кўп текшириладиган одам ҳисобланади. Эҳтимол, мен Америкада энг кўп текшириладиган иккинчи одам бўлсам керак. Ниқоб тақсангиз, ўзингизни эмас, атрофдагиларни ҳимоя қиласиз. Шундай экан, президентнинг ниқоб тақишига эҳтиёжни кўрмаябман», — деди у.
Трамп бутун пандемия давомида бор-йўғи бир марта одамлар олдига ниқоб тақиб чиқди. Шундай бўлса-да, у доимо ўзи билан бирга ниқоб олиб юради. Бошқа одамларнинг ёнига борганда албатта уни тақиб олади. У ниқобни ёқтирмаслигини айтган. Чунки унга президентнинг ниқобдаги кўриниши ёқмайди.
Тадбирлар ва матбуот анжуманларида Трамп ҳеч қачон ниқобда чиқмаган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter