Нетаняҳу сешанба куни Трамп билан учрашади
Исроил Бош вазири Бинямин Нетаняху Тел-Авивдан АҚШга учиб кетди ва у ерда сешанба куни президент Доналд Трамп билан учрашади.
Исроил бош вазирининг сўзларига кўра, икки давлат раҳбарлари «ҲАМАС устидан ғалаба», Эронга қарши кураш ва араб давлатлари билан дипломатик алоқаларни кенгайтириш масалаларини муҳокама қилади.
Бу учрашув Доналд Трампнинг қайта сайланганидан кейин хорижий давлат раҳбари билан бўлган биринчи учрашуви бўлади. Нетаняҳу буни «Исроил-Америка иттифоқи мустаҳкамлигидан далолат» деди.
Эслатиб ўтамиз, Исроил раҳбарига ўтган йилнинг ноябрида Халқаро жиноий суд томонидан ҳибсга олиш ордери берилган эди. Бироқ, Қўшма Штатлар ва Исроил Рим статутини ратификация қилмаган.
Доналд Трамп ўзининг лавозимига киришган биринчи кунида бир қатор ижро фармойишларини, жумладан, ХЖСга нисбатан санкциялар қўллаш имкониятини тиклайдиган қонун лойиҳасини имзолади. Бироқ ҳужжат Сенат демократлари томонидан блокланган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter