НАТО бош котиби янги лавозимга тайинланди, ўрнини кимлар эгаллаши мумкин?
Йенс Столтенберг.
Шимолий Атлантика алянси — НАТО бош котиби Йенс Столтенберг Норвегия марказий банки раҳбари этиб тайинланди. Бу ҳақда ушбу мамлакат ҳукумати маълум қилди.
Бироқ Столтенберг ватанига сал кейинроқ қайтади, НАТОни ўзи учун белгиланган муддатнинг сўнгги куни — жорий йилнинг 30 сентябригача бошқаришда давом этади. Норвегия марказий банкининг ҳозирги раҳбари Ойстейн Олсен эса 1 мартда бўшайди.
Йенс Столтенберг 1 октябрга қадар бор кучини НАТО раҳбарлигига сарфлашини маълум қилди.
ОАВда НАТОнинг янги раҳбари ким бўлиши ҳақида турли тахминлар илгари суриляпти. Асосий номзодлар — Тереза Мэй (Буюк Британия собиқ бош вазири) Марк Рютте (Нидерландия бош вазири), Клаус Йоханнис (Руминия президенти), Кая Каллас (Эстония бош вазири) ва Федерика Могерини (Европа Иттифоқининг ташқи ишлар ва хавфсизлик бўйича собиқ раҳбари).
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter