КХДР етакчиси Ким Чен Ин сиёсий бюро йиғилишига ёқаси очиқ оппоқ кўйлакда келди, деб ёзмоқда «Daily Mail».

Ким масофани сақлаш қоидаларини ҳам унутмади, бироқ бошқа ҳамкасбларидан қолишмаган ҳолда ниқоб тақмади. Ахир, расмий маълумотларга кўра, бу мамлакатда коронавирус йўқ, бўлиши мумкин ҳам эмас...

Видеодан олинган фотодан Ким Чен Иннинг кайфи чоғлигини англаш қийинмас. Ҳеч қандай касаллик аломатлари ҳам сезилмайди. Устидаги оқ кўйлак бичимидан кўпроқ пиджакни эслатади.

Сиёсий бюро мажлисида мамлакатни иқтисодий юксалтириш масалалари, хусусан, қишлоқ хўжалиги учун минерал ўғит ишлаб чиқариш мавзуси кўриб чиқилган.

Ўлдига чиқаришганидан кейин, бу Ким Чен Иннинг омма олдида иккинчи марта кўриниш бериши. Май ойидаги олдинги чиқишида ўғит заводини тантанали равишда очиб берганди. Ўша сафар унинг қўлидаги ғалати изни пайқаб қолган журналистлар буни «томизғи дори»ники бўлса керак деган тахминни илгари суришганди. Хорижнинг айрим ОАВлари КХДРни яқин орада Кимнинг синглиси бошқара бошлайди, деган мазмундаги мақолаларни чоп этганди.