БМТнинг Озиқ-овқат ва қишлоқ хўжалиги ташкилоти (ФAО) томонидан The Guardian нашрида эълон қилинган ҳисоботга кўра, қишлоқ хўжалиги компаниялари томонидан пластмассадан фойдаланиш бутун инсоният саломатлиги ва хавфсизлиги учун потенциал ҳалокатли таҳдиддир.

Ташкилот маълумотларига кўра, ҳозирги кунга қадар тупроқда океанлардагига қараганда кўпроқ микропластмассалар тўпланган.

Бу озиқ-овқат ва қишлоқ хўжалиги саноатида ишлатиладиган миллионлаб тонна пластмасса билан боғлиқ. Микропластмассалар (каттароқ пластмасса бўлаклари парчаланганда ҳосил бўлади) озиқ-овқат орқали одамлар ва ҳайвонларнинг танасига киради. У ўлим ва патоген касалликларга олиб келадиган токсик қўшимчаларни ўз ичига олади.

Тадқиқотчиларнинг аниқлашича, баъзи денгиз ҳайвонлари микропластмассалардан фойдаланишдан азият чекади, бироқ унинг бошқа тирик мавжудотларга, жумладан, одамларга таъсири ҳали тўлиқ ўрганилмаган.

БМТ ташкилоти микропластмассаларнинг ифлосланиши ҳам глобал ташвиш эканлигини айтди. Ташкилот маълумотларига кўра, 2019 йилда қишлоқ хўжалиги ва чорвачиликда озиқ-овқат маҳсулотларини ишлаб чиқариш учун 37,3 миллион тонна пластмасса ишлатилган. Бироқ бу сектордаги пластмассанинг фақат кичик бир қисми йиғилади ва қайта ишланади.