Франция чегарани очаётган Италиядан норози
Италия ҳукумати чегараларни расман 3 июндан очиш тўғрисида бир томонлама қарор қабул қилгани Евроиттифоқнинг бирдамлик ғояларига зиддир, деди Франция ички ишлар вазири Кристоф Кастанер. Бу ҳақда «Фигаро» ёзмоқда.
Кастанер таъкидлайдики, коронавирус инфекциясини ташиб ўтмаслик ва эпидемиянинг иккинчи тўлқинини ҳосил қилмаслик учун ЕИга аъзо мамлакатлар бамаслаҳат, биргаликда ҳаракат қилишлари шарт. У бу масалани ҳамкасби — Италия ИИВ раҳбари Лучано Ламоржезе билан муҳокама қилмоқчи.
Яқиндагина коронавирус пандемиясидан энг кўп азият чекаётган мамлакат саналган Италия энди чегараларини очмоқчи. Коронавирус секин-аста назоратга олиняпти. Кейинроқ мамлакат ҳукумати халқаро авиақатновларни йўлга қўйиши ҳам эҳтимолдан холи эмас.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter