АҚШ Сенатининг ташқи ишлар бўйича қўмитаси раҳбари Боб Менендес Чехия, Латвия, Германия, Литва, Ирландия, Полша ва Буюк Британиядаги ҳамкасблари билан биргаликда Ryanair самолётининг Минскка фавқулодда қўниши билан боғлиқ воқеа юзасидан баёнот берди. Унда Беларус бўйлаб барча рейсларни тақиқлашга чақириқ мавжуд. Бу ҳақда РИА Новости хабар қилмоқда.

«Биз Халқаро фуқаро авиацияси ташкилотини зудлик билан давлатлар ўртасида эркин транзитнинг ва авиацияга таҳдиднинг бузилишини тергов қилишга чақирамиз», —дейилади Менендес матбуот хизмати тарқатган баёнотда.

Қонун чиқарувчилар тергов ўтказилгунча Беларуснинг ташкилотга аъзолигини тўхтатишга ва «Беларус бўйлаб барча парвозларни, шу жумладан мамлакатга кириш-чиқиш парвозларини тақиқлашга» чақиришган.

«Биз Роман Протасевич ва бошқа барча сиёсий маҳбусларни зудлик билан ва озод қилишга чақирамиз»,— деб қўшимча қилинган ҳужжатда.

Роман Протасевичнинг ҳибсга олиниши

23 май куни Минск аэропортида мухолиф блогер Роман Протасевич қўлга олинди.

Европа Иттифоқининг кўплаб сиёсатчилари ва расмийлари воқеа юзасидан халқаро текширув ўтказишга чақиришган. Улар ушбу воқеани Европа Иттифоқининг икки давлати ўртасида учиб кетаётган самолётни мажбуран учинчи мамлакат ҳудудига қўниш деб ҳисоблашган.

Беларусда Протасевич «Оммавий тартибсизликни ташкил этиш» (15 йилгача озодликдан маҳрум қилиш) ва «Жамоат тартибини қўпол равишда бузган гуруҳ ҳаракатларини ташкил этиш» (уч йилгача озодликдан маҳрум қилиш) жиноий моддалари билан айбланмоқда. Бундан ташқари, «касбий мансублиги асосида ижтимоий адоватни қўзғатишга қаратилган қасддан қилинган ҳаракатлар» (энг юқори жазо 12 йил қамоқ жазоси) бўйича жиноят иши қўзғатилган.

«Nехtа» телеграм канали ўз фаолиятини ўтган йил август ойида Беларусда бўлиб ўтган президентлик сайловларидан сўнг бошланган ва олти ойдан кўпроқ давом этган норозилик намойишларига чақирган. Республика ҳукумати ушбу Телеграм каналини экстремистик канал деб тан олган. Протасевичнинг ўзи терроризмга алоқадорлар рўйхатида киритилган ва қидирувга берилган.