Андроид қурилмалар учун Xabar.uz мобил иловаси. Юклаб олиш ×

Ашаддий жиноятчи ватанига экстрадиция қилинди

Ашаддий жиноятчи ватанига экстрадиция қилинди

Фото: Ueslei Marcelino/Reuters

Ндрангетлар (Италиядаги жиноий тўда) аъзоси Рокко Морабито Бразилиядан Италияга экстрадиция қилинди.

The Guardian нашрининг ёзишича, у Италияда энг кўп қидирилаётган одамлар рейтингида иккинчи ўринни эгаллаган.

Италия полицияси Морабито Италиянинг энг йирик гиёҳванд моддалар сотувчиларидан бири эканлигини маълум қилган.

У Лотин Америкасидан Миланга, кейин эса бутун Италияга наркотик моддаларни етказиб беришни ташкил этган йирик куч эди. Жиноятчи 2001 йилда сиртдан 30 йиллик қамоқ жазосига ҳукм қилинган.

2017 йилда Рокко Уругвайда ҳибсга олинган, у ерда сохта Бразилия паспорти билан ҳашаматли виллада яшаган, икки йилдан сўнг у қамоқдан қочишга муваффақ бўлган.

Морабито ниҳоят Бразилия, Италия ва АҚШ полициясининг қўшма махсус операцияси давомида қўлга олинди.

Изоҳлар

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг