Албанияда кучли зилзила натижасида юзлаб одамлар жароҳатланди
Албанияда кучли зилзила натижасида юзлаб одамлар жароҳатланди, бир қанча уйлар вайрон бўлди, дея хабар берди «Exit» янгиликлар портали.
Аввал АҚШ Геология хизмати (USGS) Тирана яқинида 6,4 магнитудаси билан ер қимирлаганини маълум қилганди.
Маҳаллий ОАВга кўра, кучли ер ости силкинишлари бевосита пойтахтда, шунингдек, эпицентрга энг яқин жойлашган Дуррес шаҳрида ҳам сезилган.
Тиранадан 30 километр узоқликда жойлашган иккита турар жой биноси қулаб тушган, Дуррес яқинидаги Кавая шаҳрида яна иккита иморат вайрон бўлган.
Маҳаллий шифохоналарга юзлаб кишилар мурожаат қилган, уларнинг аниқ сони ҳозирча номаълум.
Қурбонлар ҳақида эса маълумот йўқ.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter