Zelenskiy Putin bilan uchrashishga tayyor, faqat sharti bor...
Zelenskiy Putin bilan uchrashishga tayyorligini aytdi, biroq bu Tramp va Yevropa ittifoqchilari bilan umumiy tinchlik rejasi kelishib olingandagina bu amalga oshadi.
«Men ruslar bilan uchrashmayman, bu mening rejalarimga kirmaydi. Men faqat bitta rus - Putin bilan uchrashaman, faqat Tramp, Yevropa bilan umumiy rejamiz bor va biz Putin bilan o‘tirib, urushni to‘xtatamiz. Faqat shu holatda men uchrashishga tayyorman», — dedi Zelenskiy.
Uning qayd etishicha, bu reja AQSh prezidenti bilan ham, Ukrainaning Yevropadagi ittifoqchilari bilan ham kelishib olinishi kerak.
Putin Zelenskiy bilan shaxsan uchrashish istagini bildirmagan va uning qonuniyligini bir necha bor shubha ostiga olgan. Zelenskiyning so‘nggi so‘zlariga hozircha Kremldan hech qanday munosabat bildirilmagan.
Zelenskiy, shuningdek, Tramp unga telefon raqamini berganini va unga «xohlagan vaqtida» qo‘ng‘iroq qilishini aytganini ma’lum qilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter