Qo‘shma Shtatlar Amsterdam tomonidan Kiyevga Amerikada ishlab chiqarilgan F-16 qiruvchi samolyotlarini yetkazib berishni ma’qulladi.

Daniya va Niderlandiya birinchi samolyotni bir yildan kechiktirmay yetkazib beradi. AQSh Davlat kotibi Entoni Blinken bu haqda ikki davlatni maktub orqali xabardor qilgan.

Ayni damda Daniya va Niderlandiyada ukrainalik uchuvchilar F-16 samoliyotini boshqarish uchun o‘qitilmoqda. Ularni malakasini oshirish uchun 1 yil vaqt kerak.

«F-16 murakkab tizim bo‘lib, ularni rus bosqinchilariga qarshi qo‘llash uchun yetarli darajada yaxshi uchishni o‘rganish uchun vaqt kerak bo‘ladi», – degan Niderlandiya qirollik armiyasi qo‘mondoni.

Gollandiya tashqi ishlar vaziri o‘zining Twitter sahifasida «Endi biz bu mavzuni yevropalik hamkorlarimiz bilan muhokama qilamiz», deya tvit qoldirgan.

Ma’lumot uchun, Ukraina Niderlandiya va boshqa davlatlardan bir necha oylardan beri Rossiyaga qarshi urush uchun F-16 qiruvchi samolyotlarini berishni so‘rab keladi. Niderlandiya va bir qator Yevropa davlatlari bunga rozi bo‘lishgan edi. Biroq ular AQShning ruxsatisiz samolyotlarni Ukrainaga bera olishmasdi. Sababi, F-16 samolyotlar Amerikada ishlab chiqarilgan.