Orenburg viloyatining Orsk shahrida suv omboridan suvning rekord darajadagi miqdoridan so‘ng Ural daryosida to‘g‘on buzildi. Rasmiylar suv toshqini xavfi bo‘lgan hududlar aholisidan evakuatsiya qilish uchun shoshilinch choralar ko‘rishni so‘ragan.

«Kommersant» gazetasining yozishicha, Orskdagi to‘g‘on 10 yil avval qurilgan. Bu gidrotexnik inshoot emas, balki asosiy vazifasi yo‘lni himoya qilish va daryo qirg‘og‘ini mustahkamlashdan iborat bo‘lgan qirg‘oq to‘g‘oni.

So‘nggi kunlarda Orenburg viloyatida suv toshqini avjiga chiqdi. Shu sababli, 4 aprel, payshanba kuni butun hududda favqulodda holat joriy etildi.

Orsk joylashgan Ural daryosida suv sathi keskin ko‘tarilib, Iriklinskiy suv omboridan rekord miqdorda suv chiqarilishiga sabab bo‘ldi, deb xabar bermoqda mahalliy OAV.

Orsk hokimi Vasiliy Kozupitsaning aytishicha, to‘g‘on misli ko‘rilmagan yukga bardosh berishi kerak, garchi to‘g‘on 2014 yilda foydalanishga topshirilganidan buyon suv hali bu darajaga ko‘tarilmagan. To‘g‘on suv miqdorini ko‘tara olmadi.

Suv to‘g‘onni ikki joyda buzdi, dedi Kozupitsa juma kuni kechqurun. «Suv tezda yetib borishi mumkin, shuning uchun maksimal samaradorlik talab qilinadi», deb ogohlantirdi shahar meri.

Shaharning uchta tumanlaridan ikkitasi - Leninskiy va Sovetskiy suv bosish xavfi ostida edi. Orsk Orenburg viloyatidagi ikkinchi yirik shahar bo‘lib, unda deyarli 190 ming kishi yashaydi. Qozog‘iston bilan chegara yaqinida, viloyat markazidan 286 kilometr uzoqlikda joylashgan, Ural daryosi uni ikki qismga — Yevropa va Osiyoga ajratadi.