Putin va Zelenskiy Dubayda o‘zaro to‘qnash kelishi mumkin
Rossiya va Ukraina prezidentlari Vladimir Putin va Vladimir Zelenskiy Dubayda bo‘lib o‘tadigan BMTning iqlim bo‘yicha konferensiyasida uchrashishi mumkin.
Qayd etilishicha, uchrashuvni BAA prezidenti Muhammad bin Zayd Ol Nahayon tashkil qilishi mumkin. U bu g‘oyani Rim papasi bilan ham muhokama qilgani xabar qilingan. Papa o‘z navbatida reja haqida AQSh prezidenti Jo Baydenni xabardor qilgan.
Biroq, Putin va Zelenskiyning konferensiyadagi ishtiroki rasman tasdiqlangani yo‘q.
Avvalroq, Vladimir Zelenskiy idorasi rahbari maslahatchisi Mixail Podolyak Rossiyaga nisbatan o‘t ochishni to‘xtatish va muzokaralar shaklida murosa pozitsiyalari bo‘lishi mumkin emasligini aytgandi. U yagona asosiy muzokaralar poydevorini Prezident Vladimir Zelenskiyning tinchlik formulasi deb hisobladi. Ukraina Rossiya o‘z askarlarini olib chiqib ketmaguncha muzokaralarga rozi emas.
Putin va Zelenskiy faqat bir marta, 2019-yilda Parijda uchrashishgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter