Polshada koronavirus tufayli prezidentlik saylovi qoldirildi
Polsha davlat saylov qo‘mitasi koronavirus pandemiyasi tufayli 10 mayga belgilangan prezidentlik saylovi boshqa muddatga qoldirilishini ma’lum qildi.
Biroz vaqt muqaddam mamlakat parlamenti quyi palatasi raisi Eljbeta Vitek saylovni 10 mayga belgilagan edi. Ammo 16 aprelda koronavirusga qarshi qabul qilingan favqulodda qonun tufayli saylov qo‘mitasi saylov o‘tkazish huquqidan vaqtincha mahrum bo‘ldi. Shu bilan birga qo‘mita yana bir qator vakolatlardan, xususan saylov byulletenlari chop etishdan ham vaqtincha mosuvo etilgan.
Shu munosabat bilan saylovchilarni ro‘yxatga olish ham to‘xtatib turilibdi. Biroz vaqt muqaddam Polshada saylovni pochta orqali o‘tkazish taklif etilgan edi.
Mamlakatda prezidentlik saylovi iyun oyida o‘tishi kutilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter