Parij markazida kuchli portlash sodir bo‘ldi
Parij markazidagi beshinchi okrugda kuchli portlash oqibatida kamida yetti kishi o‘ta og‘ir ahvolda qolmoqda. Bu haqda BFMTV telekanali xabar bermoqda.
Dastlabki ma’lumotlarga ko‘ra, hodisaga gaz portlashi sabab bo‘lgan.
Tuman meriyasi ma’lumotlariga ko‘ra, portlash «Parij Amerika akademiyasi» dizayn maktabi yaqinidagi Alfons Laveran maydonidagi binoda sodir bo‘lgan.
Parij prokuraturasiga ko‘ra, hozircha hodisa kelib chiqishini tasdiqlovchi aniq ma’lumotlar yo‘q. Nashrning ta’kidlashicha, guvohlar portlashdan oldin kuchli gaz hidini his qilgan.
Huquq-tartibot idoralarining dastlabki hisobotiga ko‘ra, yetti kishining ahvoli o‘ta og‘ir, yana to‘qqiz nafarining ahvoli og‘ir.
Voqea joyida 230 nafar o‘t o‘chiruvchi ishlamoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter